Keroro Shinging Finger !!!!!!!!!

Keroro Shinging Finger !!!!!!!!! 

聖誔節！

終於都到左聖誔節啦！
先講下呢幾日發生o既事先。
23 號本來會同yvonne d 同事去巴西燒烤，不過佢遲放，冇去到。

跟住24號yv 家姐係深圳擺酒，我同埋佢去，臨出發之際發現yv 本回鄉証到期，要比成四百幾蚊搞快証，勁貴！申請本10年期都只係$270，一次竟然要$460，明呃錢！不過可以一個鐘拎到都算好彩，如果唔係冇得去。

十一點左右去到，佢家姐住果間酒店好鬼靜，去到後等佢地化妝，等左三個幾鐘，跟住佢姐夫唻接新娘，跟住同埋其他人一齊去左酒樓度。擺酒擺到十一點半，差d 冇得返香港，不過好彩都趕到。

25號yv要返工，放七點，我大約七點去到機場等佢，不過好慘呀，本來有份禮物買左但係唔知放左係邊，唯有再買過另一份，另外亦買左張卡比佢。今日佢都要遲放，不過好彩八點半終於走得，唔想去太遠食飯，於是就決定去青衣搵下有乜野食。

去到青衣，見到有兩間餐廳個mood 唔錯，不過要成三百幾四個per head, 勁貴，於是去左扒王之王，都唔差呀，冇乜人，可以坐耐d ，傾下計都幾好。yv 講左好多公司野我知，講下講下佢都唔記得食野咁濟，哈，話時話，原來牛扒真係唔可以叫十成熟架！唔係好好硬好難食架！所以yv 都食得唔係好多..

食完飯，我送左份禮物比佢，係一隻會感光搖下搖下o既粉紅色貓仔，幾得意，拎住個"幸福"牌仔，入面寫話催愛情運，我真係想yv 快d 有拖拍，當然係同我啦！呵呵！送完聖誔禮物我地一齊出左去海邊散下步，不過都有d 風，行左一陣就返返入去商場搭車走lu..

雖脄今個聖誔節唔係話好精彩浪漫，不過可以同自己最心愛o既人一齊過，已經係非常之難忘，希望yv 都好開心啦！Merry Christmas!!